1. Pange, lingua, gloriósi. Córporis mystérium, Sanguinísque pretiósi,
Quem in mundi prétium, Fructus ventris generósi, Rex effúdit géntium.
2. Nobis datus, nobis natus, Ex intácta Vírgine, Et in mundo conversátus,
Sparso verbi sémine, Sui moras incolátus Miro clausit órdine.
3. In suprémæ nocte cœnæ, Recúmbens cum frátribus, Observáta lege pléne
Cibis in legálibus, Cibum turbæ duodénæ, Se dat suis mánibus.
4. Verbum caro, panem verum, Verbo carnem éfficit: Fitque sanguis Christi merum,
Et si sensus déficit, Ad firmándum cor sincérum, Sola fides súfficit.
5. Tantum ergo Sacraméntum. Venerémur cérnui: Et antíquum documéntum
Novo cedat rítui: Præstet fides suppleméntum, Sénsuum defectúi.
6. Genitori, Genitoque, Laus et jubilátio, Salus, honor, virtus quoque
Sit et benedíctio: Procedénti ab utróque, Compar sit laudátio. Amen.
--------------------------------------------------------------------------------
*****
Pange Lingua (Bản Latin)
Pange Lingua (Bản Latin)